Reshjet e dendura shkaktojnë probleme në furnizimin me ujë në disa komuna

Kompania Rajonale e Ujësjellësit “Prishtina” ka njoftuar për shkak të reshjeve të shiut, Impianti i Trajtimit të Ujit është jashtë sistemit, prandaj do të ketë reduktime në Drenas, Fushë Kosovë, Obiliq dhe një pjesë të lagjes Kalabria në Prishtinë.

Kjo kompani thotë se për orarin e reduktimeve do të njoftojnë më vonë.

Postimi i plotë:

Ju informojmë se ITU Shkabaj është tashmë jashtë funksionit ,për shkak të nivelit shumë të lartë të turbullirave në kanalin Ibër Lepenc, si shkak i rreshjeve të dendura të shiut.

Për orarin e reduktimeve njoftoheni në vijim.

Zonat që afektohen;

●Fushë Kosova

●Drenasi

●Obiliqi

●Një pjesë e lagjes Kalabria/ Prishtinë

Gjithashtu, ndikime dhe reduktime të furnizimit priten edhe në zona të tjera të kryeqytetit.

Ekipet tona janë në terren dhe po monitorojnë situatën vazhdimisht. Furnizimi do të rikthehet menjëherë sapo të stabilizohen parametrat në kanalin furnizues.

Ju kërkojmë ndjesë qytetarëve për shqetësimet e shkaktuara nga natyra.

Ndërsa, me ITU Albanik dhe Badoc jemi duke trajtuar ujë me kapacitet maksimal./Indeksonline/