Rikthehen pagesat në hyrje-dalje të QKUK-së
Qendra Klinike Universitare e Kosovës, njofton se me fillimin e normalizimit të shërbimeve shëndetësore, ka rikthyer pagesat te laurat në hyrje-dalje.
“Pas lirimit të tyre ka pasur numër të madh të qytetarëve që kanë shfrytëzuar hapësirat e parkimit në QKUK, edhe pa pasur nevojë për kryerje të shërbimeve shëndetësore”, thuhet në njoftim, transmeton Indeksonline.
Ndërkaq, thuhet se pas normalizimit të shërbimeve shëndetësore, është rritur numri i qytetarëve dhe makinave që frekuentojnë hapësirat dhe parkimet në QKUK dhe kjo ka vështirësuar qasjen.