Rikthimi i topit të verdhë në Premier League është një lajm i mirë për Salah

Mohamed Salah do të jetë i lumtur të dëgjojë se Premier League do të rikthejë topin e verdhë këtë fundjavë.

Sulmuesi i Liverpool ka një mesatare më të mirë golash me topin e dimrit se çdo lojtar tjetër në historinë e kampionatit anglez, shkruan e përditshmja angleze ‘The Sun’.

Që kur është prezantuar në sezonin 2004/05, Salah ka një mesatare një gol për ndeshje.

Harry Kane është i dyti me 0.84 gola për ndeshje, Thierry Henry i treti me 0.71 dhe Ronaldo ka një mesatare 0.63.

Salah ka shënuar vetëm katër herë këtë sezon, por ka 24 gola në 24 ndeshjet e fundit me këtë top.

Ai ka treguar shenja përmirësimi në mesjavë me dy golat ndaj Crvena Zvezdes.