Rinumërimi i 134 vendvotimeve përfundon sot

Rinumërimi i votave të 134 vendvotimeve sipas vendimit të PZAP-së dhe 7 të tjerave sipas vendimit të KQZ-së, përmbyllet gjatë ditës, pasi kanë mbetur edhe një numër i vogël që janë në proces.

Zëdhënësi i Komisioni Qendror të Zgjedhjeve, Valmir Elezi, ka thënë për IndeksOnlinen se janë ende në pritje të vendimmarrjes së Gjykatës Supreme, lidhur me ankesat që janë paraqitur në këtë institucion

“Tashmë jemi në pritje të vendimmarrjes së Gjykatës Supreme, lidhur me ankesat që janë paraqitur në këtë institucion. KQZ-ja do të veprojë në përputhje me vendimet që dalin, në mënyrë që të procedojmë për certifikimin e rezultateve përfundimtare”, ka thënë Elezi./IndeksOnline/