Rita Ora përkrah Dj të njohur, mesazh për shqiptarët: Sa më shumë që jemi, aq më mirë
Rita Ora është takuar me Dj e njohur kosovar, Dj Regard përkrah të cilit ka publikuar edhe fotografi.
Dardan Aliu që njihet me emrin artistik, Dj Regard numëron suksese të shumta në botë, e së fundi ai mori pjesë në koncertin e përvitshëm të “Jinge Bell Ball” në Londër përkrah artistëve të njohur botërorë, shkruan Indeksonline.
Në këtë event mori pjesë edhe këngëtarja shqiptare, Rita Ora e cila u takua me Dj dhe tregoi se ndihet krenare me sukseset e çdo shqiptari në botë.
“Kosova ngrihuni në këmbë, faleminderit që erdhe të më shohësh, shumë e lumtur për sukseset e tua Dj Regard! Sa më shumë që jemi nëpër botë, aq më mirë. Vazhdo të fitosh dhe të shkëlqesh si yll që je”, ka shkruar Rita në mbishkrimin e fotografisë.
Kujtojmë që emra shqiptarë në tregun e muzikës botërore po shtohen për ditë e më shumë, gjë e cila na bën të krenohemi./Indeksonline/
