Rita Ora ‘rrëmben’ vëmendjen me linjat trupore perfekte

Rita Ora di gjithmonë si të tërheqë vëmendjen për zgjedhjet e saj të guximshme të modës, bashkëpunimet muzikore që ngjiten në majat e klasifikimeve dhe energjinë që përcjell në çdo paraqitje.

Së fundmi, këngëtarja me origjinë shqiptare u rikthye në qendër të vëmendjes, duke treguar fizikun e saj të tonifikuar në një postim në Instagram.

Në vizitën e saj te Apple Music, Rita shfaqej e veshur me një ‘bra-top’ të zi me prerje të hapura, xhaketë të kuqe të ndezur dhe pantallona të njëjta, duke pozuar me vetëbesim pas pultit të studios dhe duke falënderuar ekipin për mikpritjen.

Pamjen e kompletoi me flokët biondë në formë bob, syzet e errëta dhe një varëse të trashë argjendi, duke i dhënë një stil “rock-chic”.

Me barkun e saj të tonifikuar që dallohej në çdo foto, ndjekësit reaguan masivisht duke e quajtur “mbretëreshë” dhe “baddie”, disa madje sugjeruan hapjen e një podcasti.