Rivarroset foshnja e masakruar nga forcat serbe [Video]
Është rivarrosur në Izbicë foshnja 6 muajshe e cila u masakrua nga forcat serbe gjatë luftës së fundit në Kosovë. Edhe në këtë ditë dhimbjeje u kërkua nga Qeveria që të punojë më shumë për zbardhjen e fatit të të zhdukurve të tjerë.
Në këtë arkivol gjinden eshtrat e foshnjës 6 muajshe e cila u masakrua nga forcat serbe gjatë luftës së fundit në Kosovë
Trupi i vrarë i Dafina Qelajt së bashku me qindra banorë tjerë të fshatit Izbicë të Skenderajt, ishin dërguar në Serbi nga kriminelët serbë për t”i zhdukur gjurmët e tyre.
Por, pas shumë vitesh pritjeje, eshtrat e saj iu kthyen familjes ku me dhimbje u rivarros në Kompleksin Memorial të varrezave të fshatit.
Përfaqësuesi i familjes së personave të pagjetur, Bajram Çerkini si dhe kryetari i Skenderajt, Bekim Jashari, kërkuan nga Qeveria të punojë më shumë për zbardhjen e fatit të të zhdukurve të tjerë.
Ndërsa, njëri nag këshilltarët e Kryeministrit Haradinaj, Jahja Lluka, tha se ekzekutivi po punon në këtë drejtim.
Në Kosovë numri i të pagjeturve që nga paslufta është 1658 persona/rtk/