Rizvanolli e Krasniqi të kënaqur me ITUN-in e Hidrodrinit, u pritën nga kryeshefi Cena
Ministrja e Zhvillimit Ekonomik Artane Rizvanolli, Ministri i Administrimit të Pushtetit Lokal Elbert Krasniqi, zv/Ministri i Ekonomisë Getoar Mjeku dhe Shefi i Njësisë Monitoruese të NP-ve Valon Prebreza, kanë qëndruar sot në Pejë, me çrast vizituan Impiantin për Trajtimin e Ujërave të Ndotura (ITUN), ku kanë takuar Kryeshefin Ekzekutiv të KRU ‘Hidrodrini’ ing. Dri Cena.
Përfaqësuesit e lartë Qeveritar kanë parë nga afër operimin e Impiantit për Trajtimin e Ujërave të Ndotura (ITUN) si tregim suksesi për këtë pjesë të Ballkanit perëndimorë ndërsaqë nga Cena, janë njoftuar edhe me ecurinë e zhvillimeve dhe dinamikave të përgjithshme të KRU ‘Hidrodrini.
‘Po kthehemi në Prishtinë me lajme të mira dhe premtuese për dinamika dhe zhvillime të përgjithshme pozitive.’-janë shprehur pas takimit me Cenën dhe përfaqësues të tjerë të lartë të ndërmarrjes.
Komunikata e plotë:
KRU ‘HIDRODRINI’ Sh.A. – Pejë
Menaxhmenti Rajonal
Ministrat Rizvanolli e Krasniqi u pritën në ITUN
Ministrja e Zhvillimit Ekonomik znj. Artane Rizvanolli, Ministri i Administrimit të Pushtetit Lokal z. Elbert Krasniqi, zv/Ministri i Ekonomisë z. Getoar Mjeku dhe Shefi i Njësisë Monitoruese të NP-ve z. Valon Prebreza, janë pritur sot për vizitë dhe takim në Impiantin për Trajtimin e Ujërave të Ndotura (ITUN) në Pejë, nga Kryesuesi i Bordit të Drejtorëve z. Jusuf Nikçi, Kryeshefi Ekzekutiv i KRU ‘Hidrodrini’ ing. Dri Cena, Drejtorët e Bordit znj. Mevlyde Begolli – Kelmendi dhe z. Simon Balaj.
Në takim kanë marrë pjesë edhe Zyrtari kryesor Financiar z. Besnik Zeqiraj, sekretarja znj. Kreshnike Dreshaj, Auditorja e brendshme znj. Aurora Sinanaj – Dinaj.
Përfaqësuesit e lartë Qeveritar kanë parë nga afër operimin e Impiantit si tregim suksesi për këtë pjesë të Ballkanit perëndimorë ndërsaqë janë njoftuar edhe me ecurinë e zhvillimeve dhe dinamikave të përgjithshme të KRU ‘Hidrodrini.
Takimi është mbyllur me konkluzën e përbashkët, se nga takimi i fundit, i para disa muajve e deri në takimin e sotëm, ministrat respektiv, nga KRU ‘Hidrodrini’ dhe ITUN-i po kthehen në Prishtinë me lajme të mira dhe premtuese për dinamika dhe zhvillime të përgjithshme pozitive.’-thuhet në njoftimin nga Zyra për Media e KRU ‘Hidrodrini’-Pejë.
