Romeo flet për lidhjen me Jonidën: Jam shumë i lumtur!

Marrëdhënia e këngëtares Jonida Maliqi me aktorin Romeo Veshaj është një ndër më të përfolurat e vipave shqiptarë.

Çifti janë parë shumë herë bashkë apo duke u puthur me njëri-tjetrin. Mirëpo Jonida dhe Romeo kanë preferuar që deri më sot të mos e konfirmojnë lidhjen e tyre.

Bujë bëri edhe puthja e tyre në programin “Treshat” që drejtohet nga Bora Zemani dhe binjakët Romeo e Donaldi.

Së fundmi, në një intervistë për “Living”, Romeo është pyetur nëse ka ndonjë gjë për të thënë për historinë e dashurisë me Jonidën.

“Sigurisht që kam. E para është: Më lini rehat! E dyta: jeta ime më përket vetëm mua”, u përgjigj aktori.

“Je i lumtur?”, është pyetur Romeo. “Po, jam shumë i lumtur”, është përgjigjur ai.