Ronaldo i pari me përfitime nga Instagram, Messi i treti

Instagram është bërë një forcë e madhe në sporte në të gjithë botën.

Atletët përdorin platformën e mediave sociale për t’i mbajtur tifozët të përditësuar me jetën e tyre të përditshme, mburren për pushimet e tyre dhe për të promovuar sponsorët e tyre të ndryshëm.

Dhe ndryshe nga njerëzit e rëndomtë, të cilët përpiqen me filtra vetëm për të bërë përshtypje te miqtë e tyre, sportistët tashmë fitojnë një pasuri absolute nga llogaritë e tyre të Instagram-it.

Futbollistët janë dominues kur bëhet fjalë për grumbullimin në mijëra nga Instagram, me Cristiano Ronaldo në krye të listës me një distancë të konsiderueshme.

Ylli i Juventusit dhe Portugalisë fiton një shumë prej 875 mijë euro për çdo postim në Instagram, shkruan GivemeSport, përcjellë Indeksonline.

Konkurenti i tij më i afërt është Neymar, i cili fiton rreth 647 mijë euro për postim.

Lionel Messi duhet të pranojë vendin e tretë, me argjentinasin që fiton 581 mijë euro çdo herë që ngarkon foto.

Tetë nga 10 të parët janë futbollistët – ose ish-futbollistët – me LeBron James (basketboll) dhe Viral Kohli (kriket) të vetmit atletë të tjerë për ta plotësuar listën.

Gareth Bale është ndoshta përfshirja më e habitshme në numrin e shtatë, përpara lojtarëve si Zlatan Ibrahimovic dhe Luis Suarez.

David Beckham dhe Ronaldinho janë ende duke bërë një pasuri, pavarësisht se të dy janë tërhequr nga futbolli.

Ronaldo mbizotëron, megjithatë, janë dy njerëz në të gjithë botën që përfitojnë më shumë para se 34 vjeçari për postime në Instagram.

Ata janë Kylie Jenner që fiton 1.13 milionë euro për çdo postim dhe Ariana Grande me 893 mijë euro.

Ronaldo dhe Neymar janë të vetmit dy yje sportive që shfaqen në top 10-shen e përgjithshme./Indeksonline/