Ronaldo rikthehet me dopietë në fitoren e Juventusit, Lazio e Muriqit mposht Torinon e Vojvodës
Juventusi ka mposhtur Spezian me rezultat 1-4 në ndeshjen e xhiros së gjashtë të Serie A.
Pjesa e parë përfundoi me rezultat 1-1 me golat e Moratës në minutën e 14-të dhe Pobegas në minutën e 32-të.
Në pjesën e dytë u inkuadrua Cristiano Ronaldo dhe i dha kahje tjetër ndeshjes.
Ai realizoi në minutën e 59-të, vetëm tre minuta pasi u inkuadrua në lojë.
Në minutën e 67-të shënoi Rabiot para se Ronaldo ta shënonte golin e tij të dytë në minutën e 76-të nga penalltia.
Cristiano Ronaldo amazing penalty kick goal Spezia vs Juventus 1-4 #CristianoRonaldo pic.twitter.com/P8HNKKTEdJ
— DONSPORTS (@DONSPORTS4) November 1, 2020
Në ndeshjen tjetër, Lazio e Vedat Muriqit mposhti Torinin e Mergim Vojvodës me rezultat 4-3 në minutat e fundit.
Të dy futbollistët e Kosovës e nisën lojën nga minuta e parë dhe u zëvendësuan në pjesën e dytë.
Golat për Torinon i shënuan Bremer (19′), Belotti (24′) dhe Lukic (87′).
Ndërsa golat për Lazion i shënoi Perreira në minutën e 15-të, Savic në minutën e 49-të, Immobile në minutën e pestë shtesë dhe Caicedo në minutën e tetë shtesë.
GOLO DO CAICEDO ?pic.twitter.com/vg7mYP9Zuq
— FutLine (de ?) (@futline_) November 1, 2020
Juventus ngjitet në pozitën e dytë me 12 pikë, katër më pak se Milani, Lazio mbetet në vendin e 7-të me 10 pikë, Spezia në vendin e 16-të me 5 pikë derisa Torino në fund me vetëm një pikë. /IndeksOnline/
