Rrahje masive tek rrethrrotullimi në Leban – dyshohet se u përdorën thikat

Një rrahje masive ka ndodhur rreth orës 18:00 në mes disa personave tek rrethrrotullimi në Leban.

IndeksOnline ka siguruar pamje nga vendi i ngjarjes.

Sipas dëshmitarëve të rastit, në rrahje janë të përfshirë disa të rinjë, mërgimtarë, me disa punëtorë.

Dyshohet se deri te rrahja erdhi për shkak të një mos marrëveshje në komunikacion.

Po ashtu, dyshohet se në këtë rast janë përdorur edhe thika ku ka të lënduar.

Në vendin e ngjarjes kanë dal Policia e Kosovës dhe autoambulanca, ku në video shihet duke u dhënë ndihmë të lënduarve.

IndeksOnline ka tentuar të marrë një përgjigje nga Policia e Kosovës por ende s’kanë kthyer përgjigje./IndeksOnline/