Rrahjen e fëmijës nga edukatorja në kopshtin privat, e konfirmon edhe policia

Në një video të siguruar nga IndeksOnline, shihet se si një edukatore e kopshtit privat “Cambridge Kids”, në Prishtinë, po ushtron dhunë ndaj një fëmije.

Madje në praninë e këtij terrori është edhe një tjetër femër e personelit.

Derisa, IndeksOnline ende nuk ka marrë përgjigje nga ana e këtij institucioni, policia tashmë e ka konfirmuar rastin.

“Me datën 10 shkurt 2020 në stacionin jugu, në Prishtinë, është iniciuar një rast “Keqtrajtim i fëmijës”.

Në koordinim me prokurorinë përkatëse janë duke u ndërmarrë të gjitha veprimet e nevojshme policore”, ka thënë zëdhënësja Flora Ahmeti.

Ndryshe, kjo video ka ngjallur reagime të shumta tek qytetarët./Indeksonline