Rreziku në Kliniken e Pediatrisë – Shembet një pjesë e tavanit, shpërthen gypi i banjos! [pamje]

Në Klinikën e Pediatrisë në Qendrën Klinike Universitare të Kosovës, trajtim mjekësor marrin një numër i konsiderueshëm i fëmijëve, për sëmundje të ndryshme.

Në këtë klinikë ata kërkojnë shërim si pacientë, mirëpo po aty, po rrezikohet jeta e tyre, kjo falë mungeses së infrastruktures e cila nuk duket të jetë në nivelin e duhur.

Lexues të IndeksOnline kanë dërguar disa fotografi, derisa dukshëm vërehen se disa pjesë të tavanit që kanë rënë në dysheme, duke rrezikuar drejtpërsëdrejti jeten e pacientëve që janë të shtrirë aty.

Të shqetësuar nga kjo gjendje, ata kërkojnë të ndërmerren hapa, kjo me qëllim që mos të rrezikohet jeta e pacientëve që kërkojnë shërim.

Në po të njëjtin repart mungon edhe higjiena, derisa vërehet të ketë shpërthyer gypi i njërës nga banjot, të cilat shfrytëzohen si nga pacientët ashtu edhe nga stafi mjekësor. /IndeksOnline./