Rreziku në ujë: Ameba ha trurin e një djali

Një djalë i shëndetshëm u pranua befas në sallën e urgjencës së Spitalit të Kalifornisë Jugore pasi filloi të villte, kishte ethe dhe dhimbje koke dhe gjendja e tij mendore “ndryshoi”. Fatkeqësisht, këto simptoma shëndetësore patën një rezultat fatal.

Fillimisht, mjekët e dhomave të urgjencës i dhanë djalit terapi për meningjit bakterial dhe viral.

Kur ai filloi të tregonte shenja të vetëdijes së ulur dhe arrest të frymëmarrjes, ai mori frymë me ndihmën e një makinerie. Vetëm atëherë CT-ja tregoi se truri i djalit po fryhej dhe analiza e lëngut kurrizor të trurit zbuloi një diagnozë të zezë – një amebë e rrallë dhe shpesh fatale e quajtur Naegleria fowleri ia pushtoi trurin e tij.

Ameba, e cila në të vërtetë ha indin e trurit, shkaktoi vdekjen e tij vetëm tre ditë pas diagnostikimit, sipas IFL Science. Ajo kishte hyrë në trupin e djalit përmes hundës.

Sëmundja që ajo shkakton është një infeksion i rrallë dhe shkatërrues i trurit i njohur si meningoencefaliti amoeb primar (PAM).

Rastet e infeksionit të këtij lloji janë shumë të rralla, në 53 vjet 133 raste të tilla janë dokumentuar në SHBA, sipas qendrave për kontrollin dhe parandalimin e sëmundjeve.

Deri tashti, nuk është raportuar asnjë rast i ameba në Evropë, thonë ekspertët.

Njerëzit në përgjithësi nuk duhet të notojnë në ujëra të qeta ose në ujë që është i vrenjtur dhe i gjelbër, ose ka një erë të pazakontë, dhe gjithashtu këshillohet që të mos ngrihet llum nga fundi i ujit të cekët dhe ta mbahet koka mbi ujë gjatë muajve dhe ditëve të nxehta.