Rrëzohet avioni, vdesin të gjithë në bord, mes viktimave dhe dy fëmijë

Katër persona, dy prej të cilëve fëmijë, kanë ndërruar jetë pas rrëzimit të një avioni në det pranë brigjeve të Australisë.

Policia tha se avioni i tipit Rockwell me katër vende u rrëzua rreth 32 km në verilindje të qytetit kryesor të Brisbane.

Zhytësit gjetën trupat e viktimave, pilotit 69-vjeçar dhe tre pasagjerëve një prej të cilëve i rritur dhe dy fëmijë, pranë vijës bregdetare. Moshat e fëmijëve nuk bëhen ende të ditura.

Kryeinspektori i i Sigurisë së Transportit Angus Mitchell deklaroi se tashmë po hetohet për mësuar shkaqet e plota të këtij aksidenti tragjik.