Rritet numri i gjobave në kryeqytet, mbi 4 mijë sosh gjatë muajit janar

Njësiti i Trafikut të kryeqytetit, gjatë muajit të kaluar, në kuadër të planeve operative për rritjen e sigurisë në trafik, ka shqiptuar gjithsej 4,608 gjoba për kundërvajtje të ndryshme në komunikacion.

Sipas policisë, krahasuar me periudhën e njëjtë të vitit 2025, janë shqiptuar 311 gjoba më shumë, si rezultat i zbatimit të planeve operative “Kontrolli i shtuar i trafikut” dhe “Kontrolli i shpejtësisë”.

Gjobat janë shqiptuar për shkelje të ndryshme, përfshirë përdorimin e telefonit gjatë vozitjes, mosrespektimin e semaforit, tejkalimin e kolonës dhe vijës së plotë, tejkalimin e shpejtësisë, si edhe kundërvajtje të tjera.

Policia ka bërë të ditur se kontrollet në komunikacion do të vazhdojnë edhe në ditët në vijim, duke u bërë thirrje qytetarëve që të tregojnë kujdes të shtuar dhe të respektojnë rregullat e trafikut./IndeksOnline/