Rrokullis traktorin qëllimisht, rrezikon zyrtarët e Agjencisë së Pyjeve

Policia e Kosovës, ka arrestuar një person në fshatin Zebincë të Novobërdës, me dyshimin se qëllimisht ka rrokullisur traktorin e tij, e duke rrezikuar zyrtarët e Agjencisë së Pyjeve të Kosovës.

Sipas njoftimit të Policisë, i dyshuari atë veprim e kishte bërë pasi zyrtarët e Agjencisë së Pyjeve të Kosovës kishin vendosur të ja konfiskonin një sasi të druve të ngarkuar në rimorkion e traktorit të cilat kishte qenë duke i transportuar në mënyrë ilegale.

Ngjarja ka ndodhur dy ditë më parë, rreth orës 20:00.

“Fsh. Zebincë, Novobërdë 26.09.2019-20:00. Është arrestuar i dyshuari mashkull K/Shqiptar i cili qëllimisht kishte devijuar traktorin e tij e më pas e ka përmbysur në një përrua ku i kishte rrezikuar zyrtarët e APK-së. I dyshuari atë veprim e kishte bërë pasi zyrtarët e Agjensionit të Pyjeve të Kosovës kishin vendosur të ja konfiskonin një sasi të druve të ngarkuar në rimorkion e traktorit të cilat kishte qenë duke i transportuar në mënyrë ilegale. Nuk raportohet për të lënduar, ndërsa i dyshuari pas intervistimit  me vendim të prokurorit është dërguar në mbajtje”, thuhet në njoftimin e Policisë së Kosovës.