Rubin vizitoi Vranjevcin në vitin 1991, Ismet Beqiri ndan kujtimet nga lagjja e rezistencës

Deputeti i Kuvendit të Kosovës dhe nënkryetar i LDK-së, Ismet Beqiri, ka kujtuar një takim domethënës me James Rubin, ish-zyrtar i lartë amerikan, gjatë vizitës së tij në vitin 1991 në Kosovë.

Ai e ka cilësuar këtë takim si “të paharruar”, duke theksuar rëndësinë që Rubin dhe SHBA-të kanë pasur në mbështetjen për Kosovën.

Në postimin e tij, Beqiri tha se bashkë me Rubin, si dhe me veprimtarët Sejdi Veseli, Gazmend Pula dhe Bahtir Cakolli, kishin vizituar lagjen simbol të rezistencës dhe sakrificës në Prishtinë – Vranjevcin, konkretisht Kodrën e Trimave.

“Vizituam disa familje që ishin të rrahura dhe të maltretuara rëndë nga policia okupatore serbe”, shkroi Beqiri.

Beqiri falënderoi Shtetet e Bashkuara të Amerikës dhe veçanërisht për James Rubin, për mbështetjen e vazhdueshme ndaj Kosovës.

“Respekt dhe mirënjohje të përhershme për SHBA – për zyrtarët e saj të lartë, në veçanti për James Rubinin”, shkroi Beqiri./IndeksOnline/