Rugovë: Vdes një person pasi bie nga shkëmbinjët në një zonë të thellë

Një person sot ka humbur jetën në rrugës për në Rugovë të Pejës.

IndeksOnline mëson nga burime të sigurta se rasti ka ndodhur tek vendi i quajtur  si kilometri i shtatë.

Po ashtu, burime të njejta pohuan se dyshohet që viktima është rrëzuar aksidentalisht.

Po ashtu, dyshohet se viktima ka rënë nga shkëmbinjët në një zonë të thellë gjersa po bënte një pushim të shkurtër gjatë kthimit.

Kurse, zëdhënësi i Policisë së Kosovës në rajonin e Pejës, Fadil Gashi, për IndeksOnline ka konfirmuar rastin.

Policia ka dalë ne vendngjarje dhe po bën hetime por që dyshimet e para kanë të bëjnë për aksident të këmbësorit.

Forcat e rendit, zjarrfikësit dhe njësitet tjera relevante, kanë qenë në vendin e ngjarjes, ku edhe e kanë nxjerrë trupin e viktimës.

Trupin e së ndjerit, e ka pranuar mjeku ligjor, që është duke i bërë hulumtimet e para.