Rumunët të kënaqur me pastërtinë në stadiumin “Fadil Vokrri”: Bari është mirë, tribunat larg fushës…!

Skuadra e FCSB-së sonte nga ora 18:00 mban seancën e parë stërvitore në stadiumin “Fadil Vokrri” para ndeshjes kthyese ndaj Dritës nga Gjilani.

Gazetarët e “gsp.ro” kanë vizituar sot stadiumin “Fadil Vokrri” në Prishtinë dhe janë ndarë tejet të kënaqur, shkruan Indeksonline

Ata e përshkruajnë stadiumin si të pastër dhe të gatshëm për ndeshjen e nesërme.

Madje e shohin si përparësi largësinë e tifozëve nga fusha, pasi stadiumi është olimpik – stil i vjetër.

Kujtojmë që Drita dhe FCSB-ja nesër nga ora 20:00 zhvillojnë ndeshjen e kthimit në Prishtinë. Takimi i parë mes tyre ishte mbyllur me fitore të rumunëve me shifrat 3:2./Indeksonline/