Rusët bëjnë homazhe për Prigozhinin, “Është si të humbasësh një baba”

Njerëzit në rusi kanë bërë homazhe duke vendosur lule dhe mesazhe të ndryshme për udhëheqësin e Wagnerit, Yevgeny Prigozhin, i cili u raportua si i vdekur pas rrëzimit të një aeroplani.

Disa persona formuan një rresht jashtë ndërtesës për të bërë nderimet e tyre me radhë.

“Është si të humbasësh një baba, ai ishte gjithçka për ne”, tha një fans i Prigozhin. “Të gjithë prisnin të dëgjonin se çfarë do të thoshte xhaxha Zhenya”.

“Kam humbur djalin tim në Artyomsk [Bakhmut],” tha një tjetër. “Ishte e rëndësishme për mua që të vija dhe t’i bëja homazhe Prigozhin si hero i Rusisë.

Një grua ishte e pangushëllueshme, me duart e saj të shtrënguara në fytyrë ndërsa qante. Ne menduam se ajo kishte humbur një të dashur, por ajo tha se po qante për të ardhmen e Rusisë.

“Kam shumë dhimbje sepse [Prigozhin] nuk pati mundësinë të bënte gjithçka që donte të bënte,” tha ajo.

“Këta donin të vendosnin rregull dhe tani si mund të flasim për rregull? Autoritetet tona janë të korruptuara deri në majë. Kjo ishte shpresa ime e fundit, për ndonjë ndryshim në të ardhmen dhe tani nuk kam asnjë shpresë. Oligarkia dhe kaq. “