Rusia fillon sulmin ndaj Ukrainës në shkallë të gjerë

Presidenti ukrainas, Zelenskiy paralajmëroi përshkallëzim të luftimeve në Ukrainë. Në një adresim mbrëmë, Zelenskiy tha se Rusia do të zgjerojë sulmet. Kjo edhe po ndodhë në mëngjesin e sotëm.

Sipas separatistëve pro-rusë, sulmi ndaj fabrikës së çelikut Asovstal në portin ukrainas të Mariupolit filloi të martën. Sipas informacioneve ruse, rreth 2500 luftëtarë, duke përfshirë 400 mercenarë të huaj, thuhet se janë strehuar në fabrikën e çelikut.

Sipas mediave ukrainase, rreth 1000 civilë thuhet se qëndrojnë në uzinë, duke përfshirë gra dhe fëmijë. Qeveria në Kiev akuzoi Moskën se nuk kishte ngritur një korridor humanitar, pavarësisht kërkesave, në mënyrë që njerëzit të mund të shkonin në siguri.

Rusia i dha Ukrainës një ultimatum gjatë fundjavës mbi uzinën Asovstal, duke siguruar se militantët do të jetonin nëse do të dorëzonin armët dhe do të dorëzoheshin.

Ushtarët ukrainas nuk pranuan dhe njoftuan se do të rezistonin. Rusia kërcënoi të “asgjësojë” të gjithë militantët në fabrikën e çelikut. Nëse kjo ndodh, presidenti ukrainas Volodymyr Zelenskyy ka kërcënuar se do t’i japë fund negociatave me Rusinë për t’i dhënë fund luftës./Indeksonline/

#Russia 🇷🇺 / #Ukraine 🇺🇦

That's how appears the "liberated" Mariupol'#RussiaUkraineWar #UkraineRussiaWar #RussianUkrainianWar pic.twitter.com/yY51MC5T57

— Nexx_ (@_Nex3_) April 19, 2022