Ruud van Nistelrooy shprehet i lënduar për largimin nga Manchester Unitedi

Ish-sulmuesi holandez, Ruud Van Nistelrooy tashmë ka marrë drejtimin e Leicester Cityt.

Holandezi, ishte rikthyer te ish-skuadra e tij Manchester United, ku iu bashkua stafit të Ten Hagut dhe menaxhoi përkohësisht skuadrën për tri ndeshje.

Mirëpo me ardhjen e Ruben Amorimit, i cili mori stafin e tij që kishte edhe te Sportingu i Lisbonës, Van Nistelrooy, u largua, ndërsa u shpreh i zhgënjyer.

Ruud van Nistelrooy opens up on ‘disappointment’ over Man United exithttps://t.co/WnXYKoJwkR

— talkSPORT (@talkSPORT) December 3, 2024

 “Në momentin që mora detyrën e përkohshme ajo që thashë ishte se unë jam këtu për të ndihmuar dhe për të qëndruar në United dhe e kisha parasysh këtë.

“Kështu që isha i zhgënjyer, shumë dhe më dhimbte që duhej të largohesha.

“Unë fola me Rubenin për këtë, mjaft e drejtë për të, biseda ishte mirënjohëse, njeri me njeri, njeri me personin, menaxher me menaxher, u shpreh Van Nistelrooy./IndeksOnline/