Sa kushton një biletë VIP për koncertin e Harry Styles, fansat janë të shokuar

Tifozët e Harry Styles kanë shprehur zemërimin e tyre në internet pasi çmimet e biletave për turneun e tij të ardhshëm arritën pothuajse 1,000 euro.

Këngëtari i “Watermelon Sugar”, 31 vjeç, javën e kaluar njoftoi një turne global në shtatë qytete të quajtur “Together, Together”, i cili do të zhvillohet nga maji deri në dhjetor të këtij viti, transmeton Indeksonline.

Turneu përfshin 50 shfaqje në Amsterdam, Londër, São Paulo, Mexico City, New York, Melbourne dhe Sydney, me 30 shfaqje vetëm në Madison Square Garden, raporton Daily Mail.

Biletat e para dolën në shitje të hënën për shfaqjet në Amsterdam dhe Londër dhe çmimet kanë qenë një surprizë për shumë njerëz. Ndërsa çmimet për pjesën amerikane të turneut ende nuk janë shpallur, biletat për në Londër variojnë nga rreth 84 deri në 835 euro. Në Amsterdam, çmimet variojnë nga rreth 85 deri në 952 euro.

Për krahasim, biletat për koncertet e tij në Madison Square Garden në vitin 2022 varionin nga rreth 44 deri në 223 euro, ndërsa për një seri shfaqjesh të shitura në stadiumin Wembley në të njëjtin vit, çmimet varionin nga rreth 52 deri në 114 euro.

Shumë fansa të indinjuar përdorën rrjetin social X, më parë Twitter, për të kritikuar yllin, duke i quajtur çmimet “zhgënjyese” dhe “të dobëta” dhe atë “lakmitar”./Indeksonline/