Safet Gjici kërkon lirimin nga burgu

Safet Gjici i është drejtuar  Gjykatës së Elbasanit me kërkesën për t’u liruar nga burgu për arsye shëndetësore.

Kërkesën e tij  do ta shqyrtojë gjyqtarja Suela Lika.

Avokatët në kërkesën e tyre janë bazuar në nenin 59/a pika c e Kodit penal sipas të cilit, për dënime të mbetura nën dy vite mund të lejohet qëndrimi në shtëpi për shkaqe shëndetësore.

Ish-kryebashkiaku i Kukësit u dënua me 3 vjet burgim, ndërkohë që i kanë mbetur për të vuajtur 1.2 vjet burgim, raporton TopChanel.

Safet Gjici është dënuar për shpërdorim detyre dhe korrupsion pasiv. Ai u bë i njohur për shkak të një video skandali që kishte ndodhur sa ushtronte detyrën e kryebashkiakut të Kukësit./Indeksonline/