Salah reagon pasi u rikthye të luaj te Liverpuli dhe mbështetjes së madhe që morri nga tifozët

Mohamed Salah ka qenë sërish në qendër të vëmendjes, këtë herë jo vetëm për paraqitjen në fushë, por edhe për postimin e tij pas ndeshjes, i cili është bërë viral në rrjetet sociale.

Pas fitores 2-0 të Liverpoolit ndaj Brighton & Hove Albion në Anfield, egjiptiani publikoi pamje ku shihet duke përshëndetur dhe duartrokitur tifozët rreth e rrotull stadiumit, një gjest që u interpretua si falënderim për mbështetjen e tyre pas ditëve të trazuara.

Salah hyri në lojë në minutën e 25-të pas dëmtimit të Joe Gomez dhe menjëherë la gjurmë, duke asistuar në golin e dytë të Hugo Ekitike.

Megjithatë, ishte reagimi i tij pas ndeshjes që mori më shumë vëmendje, duke shkaktuar mijëra reagime dhe komente pozitive nga tifozët e Liverpoolit.

Me buzëqeshje dhe duartrokitje drejt tribunave, Salah tregoi lidhjen e fortë që vazhdon të ketë me tifozët e “The Reds”, pavarësisht polemikave të fundit rreth rolit të tij në skuadër dhe marrëdhënies me trajnerin Arne Slot.

Postimi i egjiptianit u pa nga shumë tifozë si një mesazh uniteti dhe përkushtimi ndaj klubit, duke konfirmuar se mbështetja e Anfieldit për “Mbretin Egjiptian” mbetet e palëkundur.