Salihu: Askush nuk e përmend Januzajn në Belgjikë, tash do të ishte yll te Kosova

S

Përfaqësuesja e Kosovës është në një ecuri prej 12 ndeshjeve pa humbje.

Ndërkaq, sekretari i FFK-së, Eroll Salihu thotë se puna ka qenë e mirë. 

“Jemi gati për Malin e Zi. Suksesi lidhet edhe me organizimin e mirë, por edhe përkrahjen e ‘Dardanëve”, tha Salihu në “90 Plus”.

“Në futboll, politika është edhe e bashkuar dhe unë jam i lumtur që jam pjesë e kësaj gjenerate”, vlerësoi Salihu.

Tutje, ai ka përmendur edhe mesfushorin istogas, Adnan Januzaj, i cili kishte refuzuar Kosovën për ta përfaqësuar Belgjikën.

“Jemi në rrugën më të mirë, kemi edhe Florent Hadërgjonajn tani. Tash, paramendojeni se çfarë ka humbur Adnan Januzaj, mua më vjen keq për të”, theksoi Salihu.

“Askush nuk e përmend atë në Belgjikë, ai do të kishte qenë yll te Kosova”, shtoi Eroll Salihu.