Samiti i Gazës: BE-ja do të përfaqësohet nga Antonio Costa

Presidenti i Këshillit të Bashkimit Evropian, Antonio Costa do të përfaqësojë bllokun në samitin e paqes të Gazës që do të mbahet të hënën në Sharm el-Sheikh, Egjipt, njoftoi sot një zëdhënës.

Costa do të marrë pjesë në ceremoninë e nënshkrimit të planit të paqes në Lindjen e Mesme të paraqitur nga presidenti i SHBA-së, Donald Trump.

“Ky plan ofron një mundësi reale për të ndërtuar një paqe të drejtë dhe të qëndrueshme, dhe BE është plotësisht e angazhuar për të mbështetur këto përpjekje dhe për të kontribuar në zbatimin e tij”, theksoi zëdhënësi i udhëheqësit evropian.