San Siro i bllokuar nga UEFA: Nuk plotëson kushtet për EURO 2032

San Siro, stadiumi legjendar i Interit dhe Milanit, ka marrë një goditje të rëndë nga UEFA.

Sipas raportit të fundit, stadiumi ka përmbushur vetëm 50% të kritereve të kërkuara, duke dështuar në 11 nga 22 parametrat për të mirëpritur finale të mëdha si ajo e Ligës së Kampionëve 2027 apo ndeshjet e EURO 2032.

Pikat kryesore të vlerësimit të UEFA-s

Kushtet për spektatorët: 2/6

Qëndrueshmëria dhe qasja: 3/8

Zona VIP: 3/9

Shërbimet për partnerët: 2/4

Zona zyrtare pritëse (Lounges & Suites): 4/4

Aspektet komerciale për partnerët: 3/8

Media: 7/8

Transmetimi televiziv: 10/13

Siguria: 6/16

Raporti i UEFA-s thekson edhe mungesën e konceptit “pa barriera ndarëse midis sektorëve”, një kërkesë kyçe për EURO 2032. Sipas UEFA-s, San Siro ka ende një distancë të konsiderueshme nga standardet moderne, gjë që e bën të papërshtatshëm për ngjarje ndërkombëtare të nivelit të lartë.

Ky dështim është një lajm i rëndë për Milanon dhe Italinë, pasi San Siro konsiderohej një nga stadiumet më përfaqësuese dhe më të famshme. Rreziku që Italia të humbasë stadiumin më të njohur është tani shumë real, duke shtuar presion mbi autoritetet lokale për të marrë vendime të shpejta dhe të sakta