Sapioseksualiteti, e dashuruar, i dashuruar në inteligjencën e tjetrit

Shkruan: Prof. Dr. Dr. Halil Krasniqi, ekspert i shëndetësisë

Sapioseksualiteti është një term që tregon tërheqjen erotike ndaj intelektit të një personi tjetër. Termi rrjedh nga fjala latine “sapere” (njohuri), që do të thotë dëshirë fizike e ngjallur nga intelekti i një qenieje tjetër njerëzore. Kjo sjellje është një preferencë, deshirë ose pëlqim seksual dhe jo një orientim seksual.

Për disa njerëz ështe inteligjenca më e rëndësishme sesa Fiziognomia (pamja, bukurija e fytyres) apo estetika trupore në përgjithësi

Të dashuruarit në këtë pasuri njerëzore, posedon një të vërtetë. Njerëzit intelektuel janë univerzel terheqës dhe sjelljet e tyre në përgjithësi dhurojn lumturi dhe kënaqësi në jetë, sepse vlerësojn dhe respektojn më tepër se të tjerët. Me fillimin e verës, shumë nga të rinjtë, kërkojnë përsëri partnerë gjithnjë e më shumë. Aplikacionet e takimeve janë në zgjerim e sipër dhe me ditët e para të ngrohta zgjohet shpresa për një takim fatal në bar, qytet, klube apo restorant. Nëse jemi të tërhequr nga një person, kjo mvaret nga faktorë të ndryshëm si pamja, aroma, humori, interesat – dhe sigurisht nëse jemi në të njëjtën gjatësi niveli kulturor. Inteligjenca gjithashtu luan një rol të madh, në fund të fundit, shumë dëshirojn një homolog me të cilin mund të kenë orë të tëra bisedash që nuk janë vetëm flirte, por edhe pasuruese intelektuale te përgjithshme. Nëse është kjo cilësi edhe më e rëndësishme për ju se çdo gjë tjetër? Atëherë mund të jeni sapioseksual.

Çfarë është sapioseksualiteti – dhe a mund të flitet edhe për seksualitetin në këtë rast?

E spjeguar thjesht, sapioseksualiteti do të thotë që ju tërhiqeni më shumë nga mendja, inteligjenca e tjetrit sesa pamja, statusi shoqëror apo faktorë të tjerë. Nëse dikush është tërheqës për ju për shkak të arsimimit të tij, nivelit të lartë shkencor, njohurive të pasura dhe deklaratave të zgjuara, edhe pse ai ose ajo nuk përputhet ose vështirë se korrespondon me idenë tuaj për atraktivitetin, kjo tregon sapioseksualitet. Për të qenë të saktë, megjithatë, duhet thënë në këtë pikë se sapioseksualiteti nuk është aspak një çështje e një orientimi seksual si heteroseksual, homoseksual, biseksual ose panseksual – por më tepër një preferencë seksuale. Ashtu siç mund t’i përgjigjeni veçanërisht madhësisë së trupit, flokëve ose ngjyrës së syve.

Ndër seksologët, koncepti i sapioseksualitetit shihet me ambivalencë – në fund të fundit, inteligjenca është përgjithësisht tërheqëse për ne dhe vështirë se dikush do të thoshte se preferon të kundërtën. Sipas një sondazhi nga platforma e takimeve të shumta, 91% e grave deklaruan se i kushtonin vëmendje të veçantë inteligjencës kur zgjidhnin një partner. Në krahasim, vetëm 58 për qind e grave e konsiderojnë pamjen e partnerëve të tyre veçanërisht të rëndësishme. Edhe pse 73 për qind e meshkujve thonë se vlerësojnë më shumë tërheqjen e jashtme, 89 për qind e të anketuarve meshkuj ende duan partnerë inteligjentë.

Megjithatë, mendja luan një rol veçanërisht vendimtar për disa njerëz – madje deri në pikën ku ata do të shkëputeshin nga njohja me njëri-tjetrin nëse personi tjetër nuk do të tregonte inteligjencën e shpresuar, edhe pse shumë kritere të tjera do të ishin “të drejta”. 

Natyrisht, shkalla në të cilën bëhet një dallim midis inteligjencës së lindur në kuptimin e mirëfilltë dhe inteligjencës emocionale ose ndërpersonale nuk mund të përcaktohet saktësisht. Përfundimisht, inteligjenca luan nje rol të rëndësishëm në shumë aspekte të jetës. Edhe bukurija, pasurija apo trashegimia nuk kanë vlerë dhe rëndësi të madhe, nëse mungon inteligjenca me të cilën shumë gjëra dirigjohen, regullohen vlerësohen dhe ruhen ashtu si kërkohet.