Sekretari amerikan i Mbrojtjes: Sulmi shkatërroi programin bërthamor iranian – kur flet Trump, bota duhet të dëgjojë

Sekretari amerikan i Mbrojtjes Pete Hegseth thotë se ambiciet bërthamore të Iranit “janë shkatërruar” pas sulmeve ushtarake të SHBA-së ndaj objekteve kyçe bërthamore të vendit, raporton CNN.

“Urdhri që morëm nga komandanti ynë i përgjithshëm ishte i përqendruar, ishte i fuqishëm dhe ishte i qartë”, tha Hegseth nga foltorja e Pentagonit.

“E shkatërruam programin bërthamor të Iranit, por ia vlen të theksohet se operacioni nuk kishte në shënjestër trupat iraniane apo popullin iranian. … Falë udhëheqjes së guximshme dhe vizionare të Presidentit Trump dhe përkushtimit të tij për paqe përmes forcës, ambiciet bërthamore të Iranit janë shkatërruar”, ka thënë ai.