Sekretari britanik i Shëndetësisë emocionohet teksa sheh të moshuarën duke marrë vaksinën anti-Covid!

Një grua 90-vjeçare nga Irlanda e Veriut është bërë personi i parë në botë që ka marrë vaksinën Pfizer / BioNTech Covid jashtë kushteve të provës – duke shënuar fillimin e programit të vaksinimit masiv të Mbretërisë së Bashkuar.

Margaret Keenan, nga Enniskillen, tha se ndihej “aq e privilegjuar” që ishte personi i parë që mori marrë vaksinën në Spitalin Universitar, Coventry.

Zonja Keenan tha: “Është dhurata më e mirë sepse do të thotë që më në fund mund të pres të kaloj kohë me familjen dhe miqtë e mi në vitin e ri pasi isha vetëm për pjesën më të madhe të vitit .

Nuk mund ta falënderoj mjaft May dhe stafin e NHS që më kanë ndjekur jashtëzakonisht shumë dhe këshilla ime për këdo që i ofrohet vaksina është ta marrë nëse mund ta kem në moshën 90 vjeç, edhe ti mund ta bësh atë“

Dhe Sekretari i Shëndetësisë së Britanisë së Madhe, Matt Hancock tha se në momentin që gruaja po merrte vaksinën  ai kishte lot në sy.

Sipas tij, ngjarja e sotme shënon fillimin e ‘fushatës më të madhe të vaksinave në historinë e Mbretërisë së Bashkuar’

Sekretari i Shëndetësisë Matt Hancock tha se ai shpreson që banorët e shtëpive të kujdesit të fillojnë të vaksinohen para Krishtlindjeve.

Ai gjithashtu u bërë thirrje njerëve që të vazhdojnë të kenë kujdes edhe të respektojnë masat e marra për Covid-19.