Sekretari parlamentar gjerman nis sot vizitën në Kosovë

Sekretari parlamentar i Shtetit gjerman pranë ministrit federal për Bashkëpunim Ekonomik dhe Zhvillim, Johann Saathoff, po qëndron për një vizitë zyrtare në Kosovë.

Gjatë qëndrimit të tij, Saathoff do të vizitojë Parkun e Inovacionit dhe Trajnimit në Prizren (ITP), një nga qendrat më të rëndësishme të zhvillimit ekonomik dhe inovativ në vend.

Sipas agjendës së paralajmëruar, në orën 14:30, e viziton Parkun e Inovacionit dhe Trajnimit (ITP), Prizren, ndërsa në orënë 15:30 do të mabjë konferencë shtypi.

Vizita e zyrtarit të lartë gjerman pritet të fokusohet në forcimin e bashkëpunimit ekonomik ndërmjet Kosovës dhe Gjermanisë, me theks të veçantë në mbështetjen për inovacion, zhvillim të qëndrueshëm dhe rritjen e kapaciteteve profesionale në sektorin e teknologjisë dhe sipërmarrjes.