Sekuestrohet një kilogram kokainë në Tiranë, të dyshuarit me dy vetura të njëjta për të hutuar Policinë

Policia në Tiranë ka finalizuar operacionin policor të koduar “Twins”, ku u sekuestruan 1 kilogram e 65 gram kokainë.

Sipas njoftimit të policisë, gjatë aksionit u arrestuan katër të dyshuar A. L., 25 vjeç, G. P., 30 vjeç, P. K., 18 vjeç dhe J. Z., 18 vjeç.

Policia po ashtu sekuestroi dy automjete, katër aparate celular, dhe një shumë parash.

“Më tej, nga hetimet ka rezultuar se shtetasit A. L. dhe G. P. përdornin automjetet e tyre tip “Benz”, të ngjashme me njëra-tjetrën, për transportimin dhe shpërndarjen e lëndës narkotike, me qëllim konfuzimin e Policisë”, thuhet mes tjerash në njoftimin e policisë shqiptare.

Të dyshuarit, u kapën në flagrancë në një lokal me një pako me kokainë.