Sëmundja që prek vetëm meshkujt

238 persona në vendin tonë janë të prekur nga hemofilia. Pacientët që mbartin sëmundjem e trashëgueshme vuajnë mungesën e mjekimit të rregullt me Faktor 8 për shkak se ky medikament gjendet gjithmonë në sasi të reduktuara në spital.

Genta Qirjako: Hemofilia është një sëmundje e trashëgueshme, trashëgohet vetëm te djemtë nga nëna bartëse. Që gjaku të mpikset ka nevojë për disa proteina, mungesa e njërës prej tyre bën që gjaku gjatë një hemoragjie të mos mpikset por të vazhdojë në mënyrë konstante, në varësi edhe të gravitetit.

Specialistët e shëndetit këmbëngulin se identifikimi i vonshëm i hemofilisë është një ndër shkaktarët e përkeqësimit të gjendjes së pacientëve.

Genta Qirjako: Identifikimi i hershëm ndihmon në trajtimin sa më të hershëm të kësaj sëmundje duke shmangur komplikacinet. Le të flasim hapur dhe të mos e fshehim hemofilinë. Ëshë një sëmundje që fatkeqësisht është e lindur, nuk mund ta ndryshojmë dot. Por ne mund të përmirësojmë cilësinë e jetës nëse ndërhyhet herët.

Specialistja e ISHP-së, Genta Qirjako, bën apel edhe për dhurimin e gjakut, si një nga faktorët kyç në rritjen e jet0ëgjatësisë së personave të prekur me hemofili.