Serie A: Favoritët shënojnë fitore
Interi ka shënuar fitore të rëndësishme për t’i qëndruar sa më afër dyshes së kreut të Serie A.
Zikaltërit kanë mposhtur Empolin me rezultat 0-2 në ndeshjen e javës së 10-tëtë kampionatit italian.
Golat për Interin i shënuan D’Ambrosio në minutën e 34-të dhe Dimarco në minutën e 67-të.
Fitore të vështirë ka shënuar edhe Lazio.
Skuadra nga kryeqyteti italian ka mposhtur Fiorentinën me rezultat minimal, 1-0.
Golin e vetëm në ndeshje e shënoi Pedro në minutën e 52-të.
Tre shqiptarët, Muriqi, Strakosha e Hysaj nuk luajtën asnjë minut në këtë sfidë.
Fitore ka shënuar edhe Roma e Jose Mourinhos.
“Ujkonjat” fituan si mysafir të Cagliarit me rezultat 1-2.
Ibanez dhe Pellegrini realizuan për Romën derisa për Cagliarin shënoi Pavoletti.
Interi është në vendin e tretë me 21 pikë, 7 më pak se Milani që kryeson tabelën.
Roma është e katërta me 19 pikë derisa Lazio në vendin e gjashtë me 17 pikë, dy më shumë se Juventusi. /IndeksOnline/