Sfilata e markës “Fendi”, në nder të Karl Lagerfeld

Marka italiane e modës, Fendi, nderoi stilistin e ndjerë Karl Lagerfeld, i cili u nda nga jeta në shkurt pas një gjysmë shekulli në krye të kompanisë, me një show të modës së lartë, në rrënojat e tempullit antik të Venusit dhe Romës.

Në koleksion u prezantuan 54 veshje, një për çdo vit të punës së Lagerfeld për markën Fendi.

Për presidentin e Fendit, zemra rreh fort sepse është një emocion i madh të jesh në këtë sfilatë, por pa stilistin e madh.

Stilisti gjerman prezantoi linjën e gatshme për t’u veshur të Fendit më 1977 dhe mbeti drejtor artistik i shtëpisë së modës deri në vdekjen e tij, në moshën 85 vjeçare.