Shakira ndërton një mur për të bllokuar pamjen me shtëpinë e ish-vjehrrës së saj dhe vendos një kukullë shtrigë
![](https://indeksonline.net/wp-content/uploads/2023/01/shakira-1.jpg)
Ndarja e Shakirës nga Pique duket se ka ndodhur mes shumë mosmarrëveshjeve. Kjo gjë është vënë re së fundmi, teksa ylli kolumbian ka acaruar marrëdhëniet si me ish-partnerin dhe babanë e djemve, por edhe me nënën e tij, pra ish-vjehrrën.
Sipas një raporti të El Universal, Shakira, duke dashur të mbrojë privatësinë e saj, ka ndërtuar një mur në shtëpinë e saj në mënyrë që të mos ketë pamje nga shtëpia e ish-vjehrrës. Madje, ajo angazhoi një ekip të posaçëm për të bërë ndryshimet e nevojshme që shtëpia e mamasë së Piques të mos “shohë” atë të Shakirës.
Dhe, sikur të mos mjaftonin të gjitha, ajo vendosi edhe një kukull të madhe shtrige në ballkonin e shtëpisë së saj, duke e kthyer atë në anën e shtëpisë së vjehrrës.
![](https://nypost.com/wp-content/uploads/sites/2/2023/01/shakira-97-1.jpg?w=1024)