SHBA-ja deporton në Kosovë terroristin Ardit Ferizi i njohur si ‘Direktori’

Terroristi i piraterisë informative Ardit Ferizi do të deportohet në Kosovë.

Gjykata e Aleksandrisë në Shtetet e Bashkuara të Amerikës muajin e kaluar vendosi që ta pranojë ankesën e 24 vjeçarit që kishte probleme me astmën dhe mbipeshën dhe rrezikohej nga Covid-19.

Në vitin 2016, Ferizi ishte dënuar me 20 vite burg.

I njohur me nofkën ‘Direktori’, ai mbështeti organizatën terroriste ISIS duke dorëzuar të dhëna për 1351 persona të qeverisë dhe ushtrisë amerikane.

Indeksonline ishte mediumi i parë në Kosovë që kishte raportuar ekskluzivisht për këtë rast, për lidhjet e dyshimta, madje kishte patur kërcënime.

Ferizi do të kalojë 14 ditë karantinë, pastaj do t’i dorëzohet drejtësisë së Kosovës.

/Indeksonline/