14:41 / E Premte, 11 Shtator 2020 / indeksADMonline

SHBA-ja, Kosova dhe Serbia nominohen për çmimin “Nobel” për paqe (DOKUMENT)

Marrëveshja e Washingtonit ndërmjet Kosovës dhe Serbisë për normalizim të marrëdhënieve ekonomike, po shihet si shtrim i rrugës së arritjes së marrëveshjes paqësore midis të dyja vendeve.

Kjo e ka shtyrë deputetin e Partisë Kristiandemokrate në Suedi, Magnus Jacobsson, që të ndërmarrë iniciativën për nominimin e qeverive të SHBA-së, Kosovës dhe Serbisë për çmimin “Nobel” për paqe, njofton Klan Kosova.

Ai sot ia ka dorëzuar nominimin Akademisë së Shkencave të Norvegjisë e cila jep çmimet “Nobel”.

“Nëse marrëveshja e nënshkruar funksionon siç synohet, tregtia dhe marrëdhëniet e hapura personale do të hapnin rrugën për një marrëveshje të ndërsjellë paqësore në të cilën Serbia mund ta njohë Kosovën, me çka do t’i jepej fund këtij konflikti të gjatë”.

“Prandaj, dua që të nominojë Qeverinë e Shteteve të Bashkuara të Amerikës, Qeverinë e Kosovës dhe Qeverinë e Serbinë për çmimin “Nobel” për paqe, pasi që përmes kësaj marrëveshjeje synohet eliminimi i rrezikut për konflikte të reja në Ballkan dhe ka afrim drejt paqes dhe njohjes reciproke”, thuhet në dokumentin e nominimit të cilin e ka siguruar Klankosova.tv.

Jacobssoni, i cili njeh zhvillimet në Ballkan vlerëson se në procesin drejt paqes ndërmjet Kosovës dhe Serbisë, presidenti i SHBA-së, Donald Trump po luan rol të rëndësishëm.

Kjo është përmbajtja e plotë e dokumentit:

Nominim për çmimin “Nobel” për paqe

Në fund të viteve 1990, Evropa ishte goditur nga një luftë e përgjakshme në të cilën pjesë të ndryshme të ish-Jugosllavisë po luftonin me njëra-tjetrën në baza etnike dhe fetare. Pasi përfundoi lufta, ka qenë e vështirë që të gjendet një mënyrë që do të çonte në pajtim, gjë e cila vërehet në marrëdhëniet në mes të Kosovës dhe Serbisë”.

“Padrejtësitë historike dhe hidhërimi i thellë i individëve e kanë bërë të vështirë kalimin nga një paqe e ftohtë në një paqe të ngrohtë me njohje të plotë dhe marrëdhënie që funksionojnë.

“Në vitet e fundit, ka pasur situata ku ne të cilët i përcjellim zhvillimet në Ballkan jemi brengosur se mund të ketë konflikte të reja. Prandaj është shumë me rendësi të shohësh se presidenti Donald Trump dhe administrata e tij, bashkë me Qeverinë e Kosovës dhe Qeverinë e Serbisë, kanë avancuar në negociatat për normalizimin e marrëdhënieve ekonomike”.

“Tregtia dhe komunikimi janë disa prej shtyllave më të rëndësishme për të kaluar nga një paqe e ftohtë në një paqe të ngrohtë. Ky është një hap shumë i rëndësishëm për normalizimin e marrëdhënieve midis Kosovës dhe Serbisë.

“Prandaj dua që të nominojë Qeverinë e Shteteve të Bashkuara të Amerikës, Qeverinë e Kosovës dhe Qeverinë e Serbinë për çmimin “Nobel” për paqe, pasi që përmes kësaj marrëveshjeje synohet eliminimi i rrezikut për konflikte të reja në Ballkan dhe ka afrim drejt paqes dhe njohjes reciproke”, thuhet në dokumentin e nominimit.

Magnus Jacobsson.

Sponsoruar / Sponsored

Kosova e zhvillon stërvitjen e dytë, paraqitet Edon Zhegrova

SHBA-ja, Kosova dhe Serbia nominohen për çmimin “Nobel” për paqe (DOKUMENT)

Sponsoruar / Sponsored

Kosova e zhvillon stërvitjen e dytë, paraqitet Edon Zhegrova

Mos i humb

Propozimi për liberalizimin e vizave kalon në janar të vitit 2024

Jakup Krasniqi dhe Rexhep Selimi mbeten në paraburgim

Dy kuvendet e qeveritë, Kosovë-Shqipëri bashkohen me 27 nëntor në Tiranë

Të fundit nga Lajme