ShBA-ja sanksionon grupin e Shtetit Islamik në Somali për kontrabandë armësh

Shtetet e Bashkuara kanë sanksionuar grupin e Shtetit Islamik (IS) në Somali dhe disa nga anëtarët e tij të dyshuar që thuhet se po kontrabandojnë armë në Afrikën Lindore.

IS operon kryesisht në verilindje të vendit ku cak të sulmeve i ka forcat e sigurisë dhe civilët.

Pavarësisht marrjes së mbështetjes rajonale dhe ndërkombëtare, Somalia vazhdon të përballet me dhunën vdekjeprurëse militante.

IS Somalia ka qenë aktive në vendin e Bririt të Afrikës që nga viti 2015.

Individët e sanksionuar akuzohen për ofrimin e mbështetjes për njësinë e inteligjencës së grupit, kontrabandë armësh nëpër Afrikën Lindore dhe koordinim të sulmeve të profilit të lartë.

Disa ishin ish-anëtarë të grupit al-Shabab.

Sulmet e dhunshme nga grupet militante të Somalisë kanë marrë shumë jetë dhe kanë ngjallur frikë të gjerë.

Somalia është shumë e varur nga mbështetja ndërkombëtare për të ndërprerë armët e paligjshme dhe rrjetet e financimit që ndihmojnë aktivitetet e al-Shabab dhe Shtetit Islamik.