SHBA kundër pranisë së Putinit në samitin e G20

Administrata e presidentit amerikan, Joe Biden, ka dal kundër ftesës së bërë kreut të Rusisë, Vladimir Putin që të marrë pjesë në samitin e G20 që mbahet në Indonezi në vjeshtë.

Zëdhënësja e Shtëpisë së Bardhë, Jen Psaki e tha këtë pas njoftimit nga presidenti indonezian, Joko Widodo, i cili bëri me dije se edhe Putin edhe homologu i tij ukrainas, Volodymyr Zelenski janë pajtuar të jenë të pranishëm në samit në Bali, në nëntor.

Widodo si kryesues aktual i grupit G20, tha se I ftoi këta dy president, për shkak të ndikimit të madh që lufta në Ukrainë ka në ekonominë globale.