SHBA përfundon tërheqjen e trupave nga Afganistani, merr fund lufta më e gjatë e tyre

Avionët e fundit ushtarakë amerikanë janë larguar nga Afganistani, njoftoi të hënën komandanti i Komandës Qendrore të SHBA-së, gjenerali Frank McKenzie, në Pentagon. 

Largimi shënon fundin e një daljeje të rëndë, kaotike dhe të përgjakshme nga lufta më e gjatë e Shteteve të Bashkuara, transmeton Indeksonline.

“Unë jam këtu për të njoftuar përfundimin e tërheqjes sonë nga Afganistani dhe përfundimin e misionit ushtarak për të evakuuar qytetarët amerikanë, shtetasit e vendeve të treta dhe afganët e cenueshëm“, u tha McKenzie gazetarëve. 

Gati 20 vjet pasi SHBA-të pushtuan Afganistanin për t’u hakmarrë ndaj sulmeve terroriste të 11 shtatorit 2001, e goditjen ndaj Al Kaedës dhe talebanëve, të cilët pritën Osama bin Ladenin, një administratë tjetër amerikane po e lë vendin në kontrollin e militantëve talebanë të cilët ende mbajnë lidhje të ngushta me Al Kaedën dhe organizatat e tjera terroriste.

Edhe pse Biden tërheq SHBA-në nga Afganistani ka të ngjarë ta mbulojë atë politikisht dhe ta angazhojë atë ushtarakisht, shkruan CNN.

Të hënën, zyrtarët e Shtëpisë së Bardhë thanë se Presidenti po vazhdon kërkimin e terroristëve në vend, duke u thënë komandantëve të tij ushtarakë që t’u hakmerren për vdekjen e 13 anëtarëve të shërbimit amerikan në aeroportin e Kabulit javën e kaluar./Indeksonline/