Shefi i NATO-s: Lidhjet e Rusisë me Korenë e Veriut, Iranin dhe Kinën kërcënojnë paqen

Lidhjet e Rusisë me Korenë e Veriut, Iranin dhe Kinën “kërcënojnë paqen” në mbarë botën, ka thënë shefi i NATO-s, Mark Rutte.

Në një konferencë shtypi me presidentin francez Emmanuel Macron, Sekretari i Përgjithshëm tha se Rusia po vazhdonte “sulmin e saj kundër Ukrainës”, ndërkohë që “duke u afruar gjithnjë e më shumë me aleatët e saj – Kinën, Iranin dhe Korenë e Veriut”, shkruan Sky News.

“Pas dorëzimit të municioneve dhe raketave, Koreja e Veriut tani ka dërguar trupa për të luftuar dhe për të vdekur përkrah Rusisë në luftën e saj të paligjshme. Në këmbim, Rusia i siguron Koresë së Veriut financim dhe teknologji raketore. Kjo është shumë shqetësuese. Këto raketa paraqesin një kërcënim të drejtpërdrejtë për kontinentin e SHBA-së, Evropën, rajonin Indo-Paqësor dhe për Euro-Atlantikun më të gjerë”, tha ai.

Rutte deklaroi se ukrainasit plagosen dhe vriten çdo ditë nga dronët Shahed “të siguruar nga Irani”.

“Në të njëjtën kohë Kina mbështet ekonominë e Rusisë dhe mundëson industrinë e saj të mbrojtjes dhe përforcon narrativën e saj në skenën botërore,” shtoi ai.