Shefi i Srpska-s në stilin e mafiozit, kërcënon me luftë nëse Kosova pranohet në OKB

Në rast se Republika e Kosovës bëhet pjesë e Këshillit të Sigurimit (OKB), atëherë të njëjtën gjë do ta apelojë edhe Republika Srpska në Bosnje dhe Hercegovinë. Kështu ka deklaruar kryesuesi i presidencës në B&H, Milorad Dodik.

“Unë mendoj se nëse konstelacioni bën një gjë të tillë, as kroatët nuk do të humbasin mundësinë për t’u ndarë nga Bosnja, atëherë pyetja do të shtrohej se kush do të qëndrojë atje”, tha Dodik për RTS

Ai rikujtoi se Republika Srpska, menjëherë pas shpalljes së njëanshme të pavarësisë së Kosovës, u deklarua me vendimin e Asamblesë Kombëtare që nëse Kosova bashkohet në OKB atëherë serbët do të kenë të drejtën për t’u ndarë nga BiH, transmeton Indeksonline

“Kjo është ajo që kemi shkruar në rezolutën tonë 10 vjet më pare”, tha Dodik, duke shtuar se një skenar i tillë – që ndan BiH nga vullneti politik i popullit nuk është i imagjinueshëm pa luftë.

Siç tha ai, tani boshnjakët nuk e duan atë, por me kalimin e kohës ata do të kuptojnë se është mirë që ata të kenë një territor që mund të menaxhojnë me sukses dhe të ushtrojnë pushtetin.

Sipas tij, Kosova është një pyetje e gjithanshme.

“Në kuptimin shtetëror, kjo është një çështje e Serbisë, por në kuptimin e perceptimit dhe përvojës kombëtare të kësaj çështjeje, është një pyetje e gjithanshme”, është shprehur ai.   /Indeksonline/