Shehu: Lirimi i bizneseve nga taksa i solli përfitime Junikut

Kandidati i LDK-së për kryetar të Junikut, Ruzhdi Shehu ka marr vendim që bizneset në këtë qytet të lirohen nga taksa komunale për ushtrimin e veprimtarisë së tyre.

Shehu thotë së kur si komunë i përkrahim bizneset, nuk i kanë vetëm fjalë boshe por e dëshmojmë me vendime të cilat drejtpërdrejtë e lehtësojnë jetën e bizneseve të Junikut.

Sipas Shehut, fitorja e listës fituese të LDK është e pashmangshme.

Postimi i plotë:

Të dashur junikas,

Gjatë mandatit të parë, kemi marrë vendim për faljen e borxheve që bizneset i kanë ndaj Komunës së Junikut. Vlera e këtyre borxheve të akumuluara nga viti 2008 deri më sot ka qenë rreth 81,000 euro. Vetëm për vitin 2025 lartësia e borxheve ka qenë mbi 15,000 euro. Të gjitha këto borxhe  të bizneseve janë të falura nga Komuna e Junikut.

Po ashtu është marrë vendim që nga tani e tutje, të gjitha bizneset në Komunën e Junikut janë të liruara nga taksa komunale për ushtrimin e veprimtarisë së tyre. Pra edhe janë falur borxhet edhe është larguar taksa.

Kur themi që ne i përkrahim bizneset, nuk themi vetëm fjalë boshe por e dëshmojmë me vendime të cilat drejtpërdrejtë e lehtësojnë jetën e bizneseve të Junikut.

Të tjerët, vijnë dhe organizojnë një darkë në kohë të fushatës me biznese duke tentuar që të joshin ato me interesa të ngushta personale. Mirëpo bizneset e Junikut kanë dinjitet, nuk shiten, nuk blihen dhe as nuk mashtrohen.

Prandaj fitorja e listës fituese të LDK është e pashmangshme. Të Dielën e 12 tetorit, padyshim që edhe bizneset do të jenë pjesë e festës tonë të madhe të fitore.

Vazhdojmë +4 pa balotazh.