Shëmbet një ndërtesë në Stamboll, raportohet për disa persona nën rrënoja

Është shembur një pallat 7-katësh në zonën Mevlana Mahallesi të qytetit Gebze në Turqi. Autoritetet turke kanë shkuar në vendngjarje dhe po punojnë për nxjerrjen e personave të bllokuar në rrënoja.

Shembja ndodhi rreth orës 07:30 të mëngjesit në rrugën Isikgel, ndërsa shkaqet ende nuk dihen. Policia, zjarrfikësit, Agjencia e Mbrojtjes Civile dhe ekipet e shpëtimit kanë nxituar në vendngjarje, shkruan euronews.

Hetimet për shkaqet e shembjes po vazhdojnë në ndërsa një familje është bllokuar nën rrënoja. Sipas informacioneve fillestare, pesë persona vlerësohet të jenë të bllokuar.

Ministri i Brendshëm turk, Ali Yerlikaya tha se operacioni i shpëtimit po koordinohet nga prefekti dhe kryetari i Bashkisë së Gebzes, ndërsa zyrtarë të lartë të AFAD-it janë në vendngjarje.

Ai tha se në operacion po marrin pjesë 147 ekipe shpëtimi, përfshirë 80 zyrtarë të AFAD-it, si dhe anëtarë të organizatave vullnetare dhe të bashkisë. Po përdoren dy qen kërkimi të trajnuar, tetë pajisje zbulimi të personave të bllokuar, dy dronë dhe 52 automjete.

🚨🇹🇷A residential building collapsed in the suburbs of Istanbul — people may be trapped under the rubble

Local media report that two families, a total of seven people, lived in the building. It’s still unclear whether they were inside at the time of the collapse.

The tragedy… pic.twitter.com/8DoIbLvUZN

— NEXTA (@nexta_tv) October 29, 2025

🔴LIVE: Building collapses in Istanbul – ops underway to rescue trapped persons https://t.co/rrZ8rtpjxh

— Rudaw English (@RudawEnglish) October 29, 2025