Shembet një pjesë e ish-hotel Adriatikut, në Mitrovicë
Në orët e mbrëmjes së sotme është shembur një pjesë e ish-hotel Adriatikut, në Mitrovicë.
Këtë për IndeksOnline e ka konfirmuar zëdhënësi i Policisë në Rajonin e Mitrovicës, Avni Zaiti.
I njëjti ka thënë se nuk ka të lënduar.
“Është raportuar për shembje të ish-hotel Adriatiku, nuk raportohet për të lënduar”, ka thënë ai.
Ndryshe, vitin e kaluar nga shembja e një pjese të këtij hoteli kishte vdekur një 20 vjeçar, një nga punëtorët që po merrej me rikonstruksionin e hotelit, i cili kishte mbetur nën rrënoja./Indeksonline
(FOTO ILUSTRIM)