Shembja e dheut në rrugën Klinë-Gjakovë, lirohet për qarkullim një rrugë e improvizuar

Gjatë ditës, Indeksonline ka raportuar se në rrugën Klinë-Gjakovë ka pasur shembje të dheut, gjë që ka bllokuar qarkullimin e veturave në atë zonë.

Shembja në fjalë ka ndodhur në fshatin Volljakë, teksa ajo pjesë rrezikohej prapë nga shembje të reja.

Lidhur me rasti, ka nisur menjëherë intervenimi nga autoritetet përkatëse.

Indeksonline raporton se është improvizuar një rrugë pranë asaj kryesores, për të mundësuar qarkullimin e veturave.

E njëjtë rrugë sapo është liruar për qarkullim.

Megjithatë, bëhet thirrje që të gjithë udhëtarët të kenë kujdes në frekuentimin e asaj zone./Indeksonline/